اسلام آباد (مانیٹرنگ ڈیسک)راولپنڈی جوڈیشل کمپلیکس میں فائرنگ، پیشی پر آئے ہوئے دو افراد جاں بحق۔ نجی ٹی وی جیو نیوز کی رپورٹ کے مطابق راولپنڈی جوڈیشل کمپلیکس میں سیشن کورٹ کے احاطے میں فائرنگ کا واقعہ پیش آیا ہے جس کے نتیجے میں پیشی پر عدالت آئے دو افراد جاں بحق ہو گئے ہیں۔
فائرنگ کے واقعہ کے بعد پولیس نے جوڈیشل کمپلیکس کے دروازے بند کر دئیے ہیں اور پورے علاقے کو گھیرے میں لے لیا ہے۔ فائرنگ کے نتیجے میں جاں بحق ہونے والے افراد کی نعشیں ہسپتال منتقل کر دی گئی ہیں جبکہ پولیس نے فائرنگ کرنے والے افراد کی شناخت کیلئے کام شروع کر دیا ہے۔
