اسلام آباد(مانیٹرنگ ڈیسک)شریف خاندان نے کیسز ختم کرنے اور لندن جانے کیلئے مقتدر حلقوں کو پیغام دے دیا، معروف صحافی حامد میر اور محمد مالک کی نجی ٹی وی پروگرام میں انکشافات۔ تفصیلات کے مطابق معروف صحافی محمد مالک اور حامد میر نے نجی ٹی وی پروگرام میں انکشاف کرتے ہوئے کہا کہ شریف خاندان نے کیسز ختم کرانے اور لندن جانے کیلئے مقتدر حلقوں کو پیغام دیا ہے ۔ حامد میر کا کہنا تھا کہ یہ بات غلط ہے کہ مریم نواز نے کچھ حاضر سروس افسران کو ملاقات کیلئے پیغامات بھیجے جس پرمحمد مالک کا کہنا تھا کہ

یہ بات مجھے پتہ ہے کہ پیغامات بھیجے جا رہے ہیں کہ ہمارے کیسز ختم کر دیں تاکہ ہم لندن چلے جائیں۔ حامد میر نے گفتگو کرتے ہوئے کہا کہ مریم نواز کے پیغامات کے جواب میں کہا گیا ہے کہ یہ وہ عدلیہ نہیں ۔ ان کا کہنا تھا کہ کیپٹن صفدر سچے آدمی ہیں وہ بالکل صحیح کہتے ہیں کہ 1990اور 1997میں نواز شریف کے حق میں جو فیصلہ آیا تھا وہ پنڈی کی ڈکٹیشن تھی۔ 1990میں بینظیر بھٹو کے خلاف فیصلے کا فائدہ نواز شریف کو پہنچا اور وہ سارے فیصلے ڈکٹیشن پر آرہے تھے ۔