لاہور( این این آئی)انسداد دہشتگردی عدالت نے سابق وزیر اعظم محمد نواز شریف پر جوتا پھینکنے والے ملزمان کی درخواست ضمانت پر سماعت کل ( پیر) تک ملتوی کر دی ۔سماعت کے دوران حیرت انگیزطورپرپولیس نے موقف اپنایا کہ ملزمان سے اب تک جیل میں تفتیش کی جارہی ہے۔عدالت نے پیر کے روز ملزمان کا ریکارڈ
پیش کرنے کا حکم دیتے ہوئے سماعت ملتوی کر دی۔قلعہ گجر سنگھ پولیس نے از سر نو تفتیش کرنے کی اجازت لے رکھی ہے۔ واضح رہے کہ نوازشریف پر جوتا پھینکنے جانے کے واقعے کو کافی دن ہوچکے ہیں اور تاحال ملزمان سے تفتیش کی عمل ہی مکمل نہیں کیاجاسکا اور وہ بدستور جیل میں ہیں۔
