اسلام آباد(مانیٹرنگ ڈیسک)عمران خان کے خلاف وزیراعلیٰ پنجاب کے ہتک عزت کے دعوے کی سماعت ، ڈیوٹی ایڈیشنل سیشن جج رائے نعیم نے کیس کی سماعت کی۔ سماعت کے دوران وزیراعلیٰ پنجاب شہباز شریف کے وکیل عدالت میں پیش ہوئے ۔ شہباز شریف کے وکیل کا سماعت کے دوران کہنا تھا کہ عمران خان عدالتی کارروائی سے متعلق تاخیری
حربے استعمال کر رہے ہیں۔قانون کے مطابق ہتک عزت کے دعوے پر 90روز میں قانون کے مطابق فیصلہ ہو جانا چاہئے۔ عدالت عمرا ن خان کے خلاف شہباز شریف کے 10ارب ہرجانے کے دعوے کا جلد فیصلہ کرے۔ جج رائے نعیم نے 21اپریل تک سماعت ملتوی کرتے ہوئے آئندہ سماعت پر فریقین کے وکیل کو بحث کرنے کا حکم دیدیا۔
