نارووال(آئی این پی ) وفاقی وزیر داخلہ احسن اقبال نے کہا ہے کہ جس نے بھی پاکستانی قوم کو للکارا وہ ہمیشہ پچھتایا ہے، پاک فوج نے دہشت گردوں کی کمر توڑ دی ہے،جو قوم ارادہ کرتی ہے وہ حاصل کرتی ہے ۔ جمعہ کو نارووال میں تقریب سے خطاب کرتے ہوئے وفاقی وزیر داخلہ احسن اقبال نے کہا آج کا دن ہمیں یاد دلاتا ہے کہ
ہمارے بزرگوں نے آزاد ملک حاصل کیا، ہمارے پاس کچھ نہیں تھا صرف جذبہ اور یقین تھا، جو قوم ارادہ کرتی ہے وہ حاصل کرتی ہے۔احسن اقبال نے کہا کہ ترقی کے لیے امن اور استحکام کی ضرورت ہے، آئیں مل کر عہد کریں کہ نفرتوں کو ختم کردیں گے، فوج نے دہشت گردوں کی کمر توڑ دی ہے، جس نے اس قوم کو للکارا ہے وہ ہمیشہ پچھتایا ہے۔
