اسلام آباد (مانیٹرنگ ڈیسک)چوہدری نثار اور نواز شریف آمنے سامنے، دونوں کے پاس ایک دوسرے کے کئی اہم راز موجود ہیں، پنڈورا باکس کھلنے پر نواز شریف، شہباز شریف اور چوہدری نثار تینوں کا نقصان ہو گا، سینئر صحافی و سیاسی تجزیہ کار مظہر عباس کی نجی ٹی وی پروگرام میں گفتگو۔ تفصیلات کے مطابق سینئر صحافی و سیاسی تجزیہ کار مظہر عباس نے نجی ٹی وی پروگرام میں گفتگو کرتے ہوئے کہا ہے کہ نواز شریف اور چوہدری نثار دونوں کے پاس ایک دوسرے
کے کئی اہم راز موجود ہیں اور اگر پنڈورا باکس کھل گیا تو نواز شریف، شہباز شریف اور چوہدری نثار تینوں کا نقصان ہو گا۔ چوہدری نثار کی ن لیگ کی علیحدگی ایک غیر معمولی بات ہو گی اور اس علیحدگی کی صورت میں ن لیگ تقسیم ہونے کا امکان ہے۔ چوہدری نثار اور نواز شریف کے درمیان لڑائی میں جیت کس کی ہو گی یہ بات کہنا ابھی قبل از وقت ہے ۔ نواز شریف، شہباز شریف اور چوہدری 33، 34سال سے ایک دوسرے کے ساتھ ہیں اور تینوں کے دلوں میں بہت سے اہم راز دفن ہیں۔
