اسلام آباد(مانیٹرنگ ڈیسک)سینئر صحافی مجیب الرحمن شامی کا کہنا ہے کہ ہو سکتا ہے کہ عمران خان کا جوتا مارنے والا چیلنج اٹک یا راولپنڈی میں کوئی قبول کر لے۔ عمران خان نے  جہلم میں کارکنان سے خطاب کے دوران چیلنج کیا تھا کہ اگر کوئی ن لیگ کا کارکن یہاں کھڑا ہے تو میں انہیں چیلنج کرتا ہوں کہ میں سامنے کھڑا ہوں ۔ہمت ہے تو آکر جوتا مارو۔

جس پر تبصرہ کرتے ہوئے معروف صحافی مجیب الرحمن شامی کا کہنا تھا کہ عمران خان نے جس طرح سے سب کو چینلج کیا تو اس طرح سے کوئی جوتا مارنے نہیں آتا۔جوتا مارنے والا تو اچانک سامنے آتا ہے۔عمران خان نے چیلنج کھیوڑہ میں دیا ہے لیکن ہو سکتا ہے جب عمران خان کھیوڑہ سے آگے جائیں تو عمران خان کا جوتا مارنے والا چیلنج اٹک یا راولپنڈی میں کوئی قبول کر لے۔

موضوعات:عمران خان