پنڈدادنخان (نیوز ڈیسک) پاکستان تحریک انصاف کے چیئرمین عمران خان نے کہا ہے کہ مسلم لیگ (ن) کو جوتے کوئی اور مار رہا ہے بدلہ وہ ہم سے لے رہے ہیں، میں سامنے کھڑا ہوں جس نے جوتا مارنا ہے مار لے،ہم وو ٹ کا صحیح استعمال کر کے نیا پاکستان بنائیں گے، امیر مزید امیر اور غریب مزید غریب ہوتا جارہا ہے، ہم نئی سوچ نیا نظام لائیں گے۔ بدھ کو پنڈ دادنخان میں کارکنوں سے خطاب کرتے ہوئے عمران خان نے کہا کہ زیادہ سے زیادہ نوجوانوں نے پی ٹی آئی کا ممبر بننا ہے، ملک میں تبدیلی

کا وقت آ گیا ہے، نوجوانوں کے مسائل کا حل اپنے منشور میں شامل کریں گے، ووٹ کا صحیح استعمال کر کے نیا پاکستان بنائیں، امیر مزید امیر اور غریب مزید غریب ہوتا جارہا ہے، مسلم لیگ (ن) کو جوتے کوئی اور مار رہا ہے، بدلہ وہ ہم سے لے رہے ہیں۔ انہوں نے کہا کہ میں سامنے کھڑا ہوں جس نے جوتا مارنا ہے مارلے، میں کیچ بھی اچھا کرتا ہوں اور تھرو بھی ، میں ممبر شپ مہم کیلئے آپ کے پاس آیا ہوں، ہم نئی سوچ، نیا نظام لے کر آئیں گے، 2018کا الیکشن پاکستان کی تقدیر بدلے گا۔

موضوعات:عمران خان