اسلام آباد(مانیٹرنگ ڈیسک)وفاقی حکومت نے ڈائریکٹوریٹ جنرل سول ایوی ایشن اتھارٹی (سی اے اے ) ائیر مارشل (ر) عاصم سلیمان کو برخاست کردیا۔ جمعرات کے روز محکمہ میں معاملات کی پیچیدگی کے بعد محکمہ کے مختلف ڈائریکٹ کے ڈی جیز نے دستخط شدہ خط وفاقی حکومت کو لکھا او ربتایا یا کہ عاصم سلیمان کا رویہ بہت ہی بُرا ہے وہ اپنے محتات افسران کو گالیاں بھی دیتے ہیں۔ایسی صورتحال میں ڈی جی سول ایوی ایشن اتھارٹی عاصم سلیمان کے نیچے کام نہیں کر سکتے ۔
محکمے کے ملازمین نے قلم چھوڑ ہرتال اور تالہ بندی بھی کی ۔ اس معاملے پر وفاقی حکومت نے ایک تحقیقاتی کمیٹی بنائی تھی ۔ جبکہ عاصم سلیمان بھی محکموں کے مختلف ٹھیکوں سے ناخوش تھے۔ کمیٹی کی تحقیقات میں ثابت ہوا کہ ان کا رویہ ملازمین سے درست نہیں تھا۔ وفاقی حکومت نے تمام تر صورتحال کے پیش نظر ڈی جی سول ایوی ایشن اتھارٹی ائیر مارشل (ر) عاصم سلیمان کو ایک ماہ کی اضافی تنخواہ دے کر کنٹریکٹ ختم کرکے عہدے سے برخاست کردیا۔
