سرگودھا(این این آئی)پیپلز پارٹی کے چیئر مین بلاول بھٹو نے کہا کہ اگلی حکومت پیپلز پارٹی کی ہو گی کارکن تیار ہوجائیں۔پارٹی مظلوم اور پسے ہوئے طبقات کے حقوق کے تحفظ کے لئے اپنی جدوجہد جاری رکھے گی انہوں نے یہاں پیپلز سیکرٹریٹ میں ورکرز کنونشن سے خطاب میں کہا کہ پیپلز پارٹی کی رکنیت سازی مہم کی زبردست عوامی پذیرائی پارٹی کو ایک مرتبہ پھر مضبوط بنانے کے ساتھ ساتھ حکومت لانے میں معاون ثابت ہو گی،انہوں
نے کہا کہ الیکشن میں عوام کے ووٹ کی قوت سے قوم کو نااہل اورکرپٹ حکمران ٹولہ سے نجات دلائی جائے گی۔انہوں نے کہا کہ نوجوان قومی ترقی خوشحالی کی منزل کے حصول غریب بے روز گاری اور مہنگائی سے نجات کے لئے میرا ساتھ دیں۔میں اپنے نانا شہید ذوالفقار علی بھٹو اور ماں بے نظیر بھٹو شہید کے مشن پر چلتے ہوئے کسی بھی قربانی سے دریغ نہ کروں گا۔اس موقع پر سابق ایم این اے تسنیم قریشی اور دیگر نے بھی خطاب کیا۔
