لاہور(سی پی پی) وزیر قانون پنجاب رانا ثنااللہ نے چیئرمین تحریک انصاف عمران خان کی شادی پر تبصرہ کرتے ہوئے کہا ہے کہ عمران خان کے گھر کے نقشے کی طرح ان کا نکاح بھی جھوٹا نکلے گا۔ میڈیا سے گفتگو کرتے ہوئے رانا ثنااللہ نے کہا کہ عمران خان سیاسی زندگی کی طرح ذاتی زندگی میں بھی جھوٹ بولتے ہیں،انہوں نے ریحام خان سے شادی کی تاریخ پر جھوٹ بولاتھا اور ان کی پنکی سے شادی کی تاریخ بھی جھوٹ پر مبنی ہے۔
انہوں نے کہا کہ عمران خان کے گھر کے نقشے کی طرح ان کا نکاح بھی جھوٹا نکلے گا، پنکی سے شادی یکم جنوری 2018 کو ہوئی اور اعلان بعد میں کیا گیا، عمران خان کا نکاح سچاہے تو رجسٹرڈ کیوں نہیں کرواتے۔ادھرمسلم لیگ (ن)نے بنی گالہ اراضی کیس میں سپریم کورٹ کے فیصلے تک فریق نہ بننے کا فیصلہ کرلیا۔ تفصیلات کے مطابق اسلام آباد کے پنجاب ہاس میں سابق وزیراعظم نوازشریف کی زیر صدارت مسلم لیگ (ن)کا مشاورتی اجلاس ہوا جس میں سپریم کورٹ میں عمران خان کے بنی گالا سے متعلق قانونی ماہرین اور پارتی رہنماؤں سے مشاورت کی گئی۔ذرائع کے مطابق مسلم لیگ (ن)نے سپریم کورٹ کے فیصلے تک کیس میں فریق نہ بننے کا فیصلہ کیا ہے، پارٹی جائزہ لے گی کہ سپریم کورٹ اس مقدمے کی کارروائی کیسے چلاکر فیصلہ دیتی ہے۔ذرائع کا کہنا ہے کہ اجلاس میں فیصلہ کیا گیا کہ مقدمیکا فیصلہ میرٹ پر نہ ہونے کی صورت میں (ن)لیگ آئندہ کا لائحہ عمل مرتب کرے گی۔ذرائع کے مطابق نوازشریف نے قانونی ماہرین اور پارٹی رہنماؤں کومقدمے کی باریک بینی سے مانیٹرنگ کی ہدایت کرتے ہوئے کہا کہ عمران خان کی جعلسازی اور قول وفعل کے تضاد کو عوام کے سامنے نمایاں کریں۔
