کراچی(این این آئی) سابق وزیراطلاعات سندھ شرجیل میمن کی جیل میں طبیعت بگڑ گئی، ڈاکٹرز نے فوری آپریشن ناگزیر قرار دے دیاہے۔ذرائع کے مطابق گزشتہ روزشرجیل میمن کا جناح اسپتال میں تین گھنٹے طبی معائنہ ہوا جس کے دوران مختلف ٹیسٹ کئے گئے۔ڈاکٹروں نے اپنی رپورٹ میں کہا ہے کہ شرجیل میمن کے دائیں کاندھے اور پیر میں شدید

تکلیف ہے اس لیے آپریشن تک شرجیل میمن کو اسپتال میں داخل کرنا ضروری ہے۔شرجیل میمن کو میڈیکل ٹیسٹ کے بعد واپس جیل منتقل کردیا گیا۔واضح رہے کہ احتساب عدالت نے محکمہ اطلاعات سندھ میں پونے چھ ارب روپے کے کرپشن کیس میں سابق وزیر اطلاعات شرجیل میمن اوردیگر ملزمان پر 15 فروری کو فرد جرم عائد کی تھی۔