اسلام آباد (مانیٹرنگ ڈیسک) جان اچکزئی نے گزشتہ روز سماجی رابطے کی ویب سائٹ ٹوئیٹر پر اپنے ٹوئیٹ میں کہا تھا کہ نواز شریف نے سینٹ پر پنجاب کارڈ استعمال کرنے کا عندیہ دیا ہے تاکہ صوبائی تعصب کو ہوا دی جا سکے، جان اچکزئی نے مزید کہا کہ شیخ مجیب الرحمان کی مثال چھوٹے صوبے کا لیڈر دیتا تو غدار وطن کہلاتا لیکن ملکی مفادات کے برعکس واشنگٹن میں ہندوستانی لابی سے کام لینے والا چوتھی بار وزیراعظم بننے کاخواب دیکھ رہا ہے۔ جان اچکزئی کے
اس ٹویٹ کے جواب میں ن لیگ کے سوشل میڈیا نے انہیں آڑے ہاتھوں لیا، جس پر جان اچکزئی نے اپنے ایک اور ٹوئیٹ پیغام میں کہا کہ جب سے میں نے پاکستان مسلم لیگ (ن) سے استعفیٰ دیا ہے اس وقت سے ان کا سوشل میڈیا میرے پیچھے پڑا ہوا ہے، انہوں نے اپنے پیغام میں کہا کہ آپ کی گالیاں اور کردار کشی میرا کچھ نہیں بگاڑ سکتی، انہوں نے کہا کہ شاید تمہاری سوشل میڈیا ہیڈ مریم نواز اگلے مہینے سے اڈیالہ جیل سے خطاب کر رہی ہو کہ روک سکو تو روک لو۔
