لاہور(مانیٹرنگ ڈیسک) پاکستان پیپلز پارٹی نہال ہاشمی کی نا اہلی سے خالی ہونے والی سینیٹ کی نشست پر ضمنی انتخاب کے عمل میں شریک نہیں ہو گی۔ مذکورہ نشست پر یکم مارچ کو پنجاب اسمبلی میں ووٹنگ ہو گی جس میں (ن) لیگ سے وابستگی رکھنے والے ڈاکٹراسد اشرف اور تحریک انصاف سے
ڈاکٹرزرقا امیدوار ہیں تاہم پیپلز پارٹی نے اس نشست پر امیدوار کھڑا نہیں کیا ۔بتایا گیا ہے کہ پیپلز پارٹی کے پارلیمانی لیڈر نے پنجاب اسمبلی میں موجود اپنے اراکین اسمبلی کو فیصلے سے آگاہ کرتے ہوئے کہا ہے کہ پیپلز پارٹی کے اراکین سینیٹ کے ضمنی انتخاب میں کسی امیدوارکو ووٹ نہیں ڈالیں گے۔
