بونیر(سی پی پی) بونیر سے تحریک انصاف کے سابق ایم پی اے مقتول سردار سورن سنگھ کے بیٹے اجے سورن سنگھ نے کہا ہے کہ ایم پی اے بلدیو کمار ان کے والد کا قاتل ہے۔ بلدیو کمار کے پروڈکشن آرڈرجاری کرکے اسپیکر اوروزیر اعلی نے سینیٹ کے ایک ووٹ کے لئے قاتل سے ڈیل کی ہے۔ایک بیان میں اجے سورن سنگھ نے ایم پی اے بلدیو کمار کے پروڈکشن آرڈر پر ردعمل دیتے ہوئے کہا ہے کہ بلدیو کمار ان کے والد کا قاتل ہے ۔
جس پر عدالت میں مقدمہ چل رہا ہے۔انہوں نے صوبائی حکومت سے سوال کیا کہ وہ بلدیو کمار کے خلاف سپریم کورٹ کیوں نہیں گئی۔اجے سنگھ نے الزام عائد کیا کہ اسپیکر اوروزیر اعلی نے سینیٹ کے ایک ووٹ کے لئے قاتل سے ڈیل کی ہے۔ان کا کہنا تھا کہ مقتول سورن سنگھ پی ٹی ائی کے ورکر تھے، بلدیو کمار کو اگر اسمبلی لایا جاتا ہے تو کیا وہ ہمارے خاندان کو چھوڑ دے گا۔اجے سورن سنگھ نے مطالبہ کیا کہ ان کے والد کے قاتل کواسمبلی آنے سے روکا جائے۔
