اسلام آباد(مانیٹرنگ ڈیسک)خان صاحب نے 3شادیاں کر لیں ، آپ کا کیا ارادہ ہے ؟صحافی کے سوال پر شیخ رشید نےشادی کرنے سے انکار کر دیا۔تفصیلات کے مطابق عوامی مسلم لیگ کے سربراہ آج جب سپریم کورٹ کے باہر میڈیا نمائندوں سے گفتگو کر رہے تھے تو اس دوران ایک صحافی نے عوامی مسلم لیگ کے سربراہ شیخ رشید احمد سے سوال پوچھا کہ خان صاحب نے 3شادیاں کر لیں آپ کا کیا ارادہ ہے؟ جس پر شیخ رشید احمد نے جواب دیتے ہوئے کہا میرا ابھی ایسا کوئی ارادہ نہیں ۔ صحافی نے ایک اور سوال پوچھا کہ عمران خان کو

تیسری شادی پر کیا آپ نے مبارکباد دی ہے؟ جس پر شیخ رشید نے جواب دیتے ہوئے کہا کہ میں نے عمران خان کو شادی کی باضابطہ مبارکباد نہیں دی، بس ایک چینل پر پروگرام میں انہیں مبارکباد دی ہے۔ صحافی نے ایک بار پھر شیخ رشید احمد سے عمران خان کی شادی سے متعلق سوال پوچھا کہ عمران خان نے شادی کر لی اور آپ کو بتایا تک نہیں جس پر شیخ رشید نے صحافی کو جواب دیتے ہوئے کہا کہ ذاتی معاملات پر بات نہ کریں میں آج عدالت میں ایک ہسپتال اور کالج کے سالوں سے رکے ہوئے کام کے حوالے سے درخواست لیکر آیا ہوں۔

موضوعات:شیخ رشید عمران خان تیسری شادی