ملتان(این این آئی) ممتازعالم دین مفتی عبدالقوی نے چیئرمین تحریک انصاف عمران خان کا ولیمہ کرنے کا اعلان کردیا۔پیر کو ملتان میں میڈیا سے گفتگو کرتے ہوئے مفتی عبدالقوی نے چیئرمین تحریک انصاف عمران خان کو شادی پر مبارکباد دیتے ہوئے کہا کہ عمران خان میرے سیاسی قائد ہیں،اپنے سیاسی قائد کی تیسری شادی کی خوشی میں اتوار کو ولیمہ کروں گا،ولیمہ پر عمران خان کوملتانی سوہن حلوہ اور الائچی کا تحفہ دوں گا۔مفتی عبدالقوی نے
کہا کہ میں عمران خان کی شادی کی دوماہ پہلے ہی تصدیق کرچکا ہوں۔ انہوں نے کہا کہ عمران خان ان کے سیاسی قائد ہیں اور ان کے نکاح پر بہت خوشی ہے۔اس موقع پر مفتی عبدالقوی نے پریس کانفرنس میں آنے والے صحافیوں کو عمران خان کی شادی کی خوشی میں سوہن حلوہ کھلایا۔
