لاہور (مانیٹرنگ ڈیسک) شہباز شریف کے خلاف تین گواہوں نے تمام حقائق اگل دئیے،تمام دستاویزات بھی نیب کو فراہم کر دیں، سینئر صحافی و تجزیہ کار چوہدری غلام حسین کا انکشاف۔ تفصیلات کے مطابق نجی ٹی وی پروگرام میں گفتگو کرتے ہوئے سینئر صحافی و تجزیہ کار چوہدری غلام حسین نے انکشاف کیا ہے کہ وزیراعلیٰ پنجاب شہباز شریف کے خلاف تین گواہوں نے تمام حقائق اگل دئیے ہیں
اور ان کی کرپشن کے حوالے سے دستاویزی ثبوت نیب کو فراہم کر دئیے ہیں۔ چوہدری غلام حسین نے مزید انکشاف کرتے ہوئے بتایا کہ ان فراد کا تعلق پنجاب حکومت کی سرکاری کمپنیوں سے ہے اور یہ وہ لوگ ہیں جن کے پاس مختلف پروجیکٹ میں ٹھیکے تھے۔ گواہوں نے نیب کو اپنے بیانات ریکارڈ کرواتے ہوئے اربوں روپے کی لوٹ مار کا انکشاف کیا ہے جس کے بعد نیب کے ہاتھ بہت سے ثبوت آچکے ہیں ۔ چوہدری غلام حسین نے انکشاف کرتے ہوئے کہا کہ جب وزیراعلیٰ پنجاب شہباز شریف نیب میں پیش ہوئے تھے تو انہوں نے ہر الزام کو مسترد کرتے ہوئے کہا کہ م کمپنیوں کے بورڈ آف ڈائریکٹرز ہیں، میرا کسی سے کوئی لینا دینا نہیں جب نیب افسران نے دیکھا کہ وزیراعلیٰ کو بات نہیں مان رہے تو انہوں نے ان کے سامنے وہاں ایک دستاویز رکھ دی اور پوچھا کہ اس پر دستخط کس کے ہیں؟وہ دستخط شہباز شریف کے تھے اور وہ دستاویز ایک کمپنی کا ٹھیکہ منسوخ کر کے دوسری کمپنی کو دینے کی منظوری سے متعلق تھی۔واضح رہے کہ پنجاب کی سرکاری کمپنیوں میں اربوں کی کرپشن سامنے آنے پر نیب نے وزیراعلیٰ پنجاب شہباز شریف کو طلب کیا تھا جہاں ان سے اس حوالے سے سوالات پوچھے گئے تھے۔
