اسلام آباد (مانیٹرنگ ڈیسک)تحریک انصاف کی منحرف خاتون رہنما عائشہ گلالئی نے اپنی سیاسی جماعت کے باضابطہ اعلان کا فیصلہ۔ تفصیلات کے مطابق تحریک انصاف کی منحرف خاتون رہنما عائشہ گلالئی نے اپنی سیاسی جماعت کے باضابطہ اعلان کا فیصلہ کر لیا ہے اور وہ رواں ہفتے جمعہ کو اپنی سیاسی جماعت کا باضابطہ اعلان کرینگی۔ عائشہ گلالئی نے
اپنی جماعت کا نام تحریک انصاف گلالئی رکھا ہے جبکہ ان کی جماعت کو تحریک انصاف جی کے مخفف سے پکارا جائے گا۔ واضح رہے کہ تحریک انصاف کی منحرف رہنما عائشہ گلالئی نے چیئرمین تحریک انصاف عمران خان پر گندے میسجز بھیجنے کا الزام عائد کرتے ہوئے ان پر سنگین الزامات عائد کئے تھے اور اپنی الگ سے سیاسی جماعت بنانے کا اعلان کیا تھا۔
