اسلام آباد (مانیٹرنگ ڈیسک)پاکستان تحریک انصاف کی منحرف رکن قومی اسمبلی عائشہ گلالئی نے کہا ہے کہ و ہ (آج) جمعہ کو اپنی نئی جماعت کا اعلان کرینگی ٗ قومی اداروں کے خلاف بیانات دینا درست نہیں ۔ جمعرات کو پارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ لودھراں کے ضمنی الیکشن کے موقع پر جنوبی پنجاب کے عوام کو شعور دلانے کیلئے مہم چلائی کہ پی ٹی آئی کیا ہے اور اس کا منشور کیا ہے، جنوبی پنجاب میں میرے
جلسوں اور مہم کو عوام نے سراہا جس کی وجہ سے علی ترین کو شکست کا سامنا کرنا پڑا ۔ انہوں نے کہا کہ (آج) جمعہ کو اپنی نئی سیاسی جماعت بنانے کے حوالہ سے اعلان کروں گی۔ ایک سوال کے جواب میں انہوں نے کہا کہ لودھراں کے ضمنی الیکشن کے موقع پر نواز شریف مہم چلانے وہاں نہیں گئے، صرف میری وجہ سے لودھراں کی سیٹ مسلم لیگ (ن) نے حاصل کی۔ عائشہ گلالئی نے کہا کہ قومی اداروں کے خلاف بیانات دینا درست نہیں۔
