اسلام آباد (مانیٹرنگ ڈیسک)معروف صحافی شاہد مسعود نے نجی ٹی وی پروگرام میں بات کرتے ہوئے کہا ہے کہ بڑے افسوس کی بات ہے کہ اس ملک میں یوم کشمیر پر بھی سیاست کی جاتی ہے ۔ بھارت اور دنیا کو سمجھنا ہو گا کہ مسئلہ کشمیر ایک ٹک ٹک کرتا ایٹم بم ہے۔انہوں نے انکشاف کیا کہ کشمیر کے مسئلے پر بنائی گئی کمیٹی 36 کروڑروپے کھا گئی ہے۔ اگر نواز شریف ملک کو تصادم کی طرف لے کر جانا چاہتے ہیں تو وہ یہ سجھ لیں
کہ اب لوگ ہوا کا رخ دیکھ لیتے ہیں، ملک کسی صورت بھی تصادم کی طرف نہیں جائے گا۔ اگر کسی مرحلے پر معلوم ہو گیا کہ وکیلوں نے جعلی قطری خط بنوایا تو ان کے لائسنسز کینسل ہو جائیں گے۔ نواز شریف کی خواہش ہے کہ ان کو اتنے ووٹ ملیں کہ وہ عدالت کے پر کاٹ دیں۔وزیر اعظم شاہد خاقان عباسی طلال چوہدری کے معافی مانگنے کے حق میں ہیں جبکہ سابق وزیر اعظم نواز شریف کا کہنا ہے کہ ہم جیلیں بھر دیں گے۔نواز شریف کو پنجاب سے ہی ان کی سیٹیں ملیں گی لیکن وہ اس پر ناخوش ہیں، اسحاق ڈار نے بھی دھمکی دے دی ہے کہ اگر انہیں سینٹ کا ٹکٹ نہ دیا گیا تو وہ وعدہ معاف گواہ بن جائیں گے۔واضح رہے کہ اسحاق ڈار نے سینٹ الیکشن لڑنے کیلئے کاغذات نامزدگی بھی حاصل کر رکھے ہیں۔ادھرسینیٹ انتخابات 2018ء کے لئے امیدواروں نے کاغذات نامزدگی حاصل کرنا شروع کر دیئے ، امیدوار 8 فروری تک کاغذات نامزدگی حاصل کرکے جمع کرا سکتے ہیں،پنجاب کی 12نشستوں کے لئے پولنگ 3 مارچ کو پنجاب اسمبلی میں ہوگی ۔ تفصیلات کے مطابق پنجاب میں سینیٹ کی سات جنرل،دو ٹیکنو کریٹ، دو خواتین اور ایک نان مسلم سیٹ کے لئے امیدواروں نے کاغذات نامزدگی حاصل کرنا شروع کر دئیے ہیں ۔ الیکشن کمیشن کے مطابق اب تک 46
امیدواروں نے کاغذات نامزدگی حاصل کئے ہیں جن میں اسحاق ڈار ،ا سپیکر پنجاب اسمبلی رانا اقبال کے بیٹے رانا جاوید اقبال ،ہارون اختر خان،کامل علی آغا،سعود مجید،چوہدری محمد سرور،نذیر سواتی،انعام اللہ خان نیازی،رانا جاوید اقبال سمیت دیگر شامل ہیں ۔ الیکشن کمیشن کے مطابق امیدوار 8 فروری تک کاغذات نامزدگی حاصل کرکے جمع کرا سکتے ہیں اور پنجاب کی 12 نشستوں کے لئے سینٹ الیکشن 3 مارچ کو پنجاب اسمبلی میں ہوں گے۔
