اسلام آباد(مانیٹرنگ ڈیسک)ن لیگ کے جڑانوالہ جلسے میں قومی پرچم کی توہین، سائونڈ سسٹم اور لائٹس کیلئے بجلی چوری کئے جانے کا انکشاف، 20ہزار کرسیوں کے دعوے بھی غلط ثابت،جلسہ گاہ میں صرف 4ہزار کرسیاں موجود ہیں، نجی ٹی وی ٹونٹی فور نیوز نے جلسے کے مناظرپر مبنی ویڈیو کلپ چلا دئیے۔ تفصیلات کے مطابق نجی ٹی وی ٹونٹی فور نیوز کی رپورٹ کے مطابق ن لیگ کے جڑانوالہ جلسے میں قومی پرچم کی توہین کی گئی ہےجبکہ جلسے
میں استعمال ہونے والے سائونڈ سسٹم اور لائٹس کیلئے بجلی چوری کئے جانے کا انکشاف بھی سامنے آیا ہے۔ نجی ٹی وی رپورٹ میں دعویٰ کیا گیا ہے کہ ن لیگ کے جلسے میں 20ہزار کرسیوں کا اعلان کیا گیا تھا جبکہ جلسہ گاہ میں صرف 4ہزار کرسیاں موجود ہیں۔ نجی ٹی وی نے اپنی رپورٹ میں قومی پرچم کو جلسہ گاہ میں پائوں تلے روندے جانے کی ویڈیو بھی چلائی ہے جس میں دیکھا جا سکتا ہے کہ جلسہ گاہ میں آئے افراد قومی پرچم کو پائوں تلے روند رہے ہیں۔
