اسلام آباد (مانیٹرنگ ڈیسک) پاکستان کے معروف صحافی ، تجزیہ کار و کالم نگار سہیل وڑائچ نے اپنے کالم میں دعویٰ کیا ہے کہ پاکستان کے دو شہروں مریدکے اور بہاولپور پرامریکی ڈرون حملوں کے خطرات منڈلا رہے ہیں۔ انہوں نے دعویٰ کرتے ہوئے اپنے کالم میں لکھا ہے کہ امریکی صدر کی دھمکیوں کے بعد خطرہ ہے کہ کہیں بہاولپور اور مریدکی پر ڈرون حملہ
نہ کر دیا جائے جبکہ بھارت اور افغانستان بھی پاکستان کے خلاف فوجی مہم جوئی کیلئے بالکل تیار بیٹھے ہیں۔واضح رہے کہ سہیل وڑائچ نے مریدکے اور بہاولپور کا ذکر اس لئے کیا ہے کیونکہ مریدکے میں حافظ سعید کی جماعت جماعت الدعوۃ کا مرکز موجود ہے جب کہ بہاولپور سے متعلق کہا جاتا ہے کہ یہ کالعدم جیش محمد کے سربراہ مولانا مسعود ازہر کا مسقر اور آبائی علاقہ ہے۔
