اسلام آباد (مانیٹرنگ ڈیسک) سپریم کورٹ کی جانب سے تحریک انصاف کے سیکرٹری جنرل کو تاحیات نااہل کر دیا گیا اور تحریک انصاف کے چیئرمین کو اہل قرار دیا گیا، جس پر جہانگیر ترین کے بیٹے علی ترین نے کہا کہ چلو شکر ہے کہ خان صاحب کلیئر ہو گئے، وہ اگلے وزیراعظم ہوں گے انشااللہ۔ سماجی رابطے کی ویب سائٹ ٹوئٹر پر اپنے پیغام میں جہانگیر ترین کے بیٹے علی ترین نے کہا چلو شکر ہے کہ خان صاحب کلیئر ہوگئے، وہ اگلے وزیراعظم ہوں گے، انشا اللہ۔ قابل ذکر
بات یہ ہے کہ علی ترین نے اپنے والد کی نا اہلی سے متعلق کسی قسم کا رد عمل نہیںدیا اور نہ ہی افسوس کا اظہار کیا ہے علی ترین کے اس پیغام کے بعد سوشل میڈ یا پر لوگوں نے انہیں دل کھول کر داد دی اور جہانگیر ترین کے بہتر مستقبل کے لیے نیک تمناؤں کا اظہار کیا ہے۔ اس کے علاوہ بعض لوگوں نے گرافک بنا کر سوشل میڈیا پر شیئر کیے، ایک گرافک میں کہا گیا کہ ہیلی کاپٹر بھی چلے گا اور اے ٹی ایم بھی ڈبل ہوگا، جہانگیرترین کے بیٹے علی خان ترین کا دبنگ اعلان،روک سکو تو روک لو۔
