لاہور ( مانیٹرنگ ڈیسک) صوبائی دارلحکومت کے علاقہ شاد باغ میں 45سالہ شخص کو بے دردی سے قتل کر دیا گیا ، پولیس نے جائے وقوعہ سے شواہد اکٹھے کر کے ملزمان کی تلاش کے لئے کارروائی شروع کر دی ۔ پولیس کے مطابق شاد باغ کے علاقے میں واقع گھر سے ایک شخص کی لاش برآمد ہوئی ہے جس کی شناخت 45سالہ صدیق کے نام سے ہوئی ہے اور اس نے دو شادیاں کر رکھی تھیں ۔ پولیس کا کہنا ہے کہ صدیق کو تشدد

اور ڈرل مشین کے ساتھ جسم میں سوراخ کر کے قتل کیا گیا ہے ۔ پولیس نے جائے وقوعہ سے شواہد اکٹھے کر کے لاش کو پوسٹمارٹم کے لئے بھجوا دیا اور واقعے کی تفتیش شروع کر دی ۔ علاوہ ازیں غالب مارکیٹ کے علاقہ سے بھی ایک شخص کی لاش برآمد ہوئی ہے ۔ پولیس کے مطابق مقتول کی شناخت 80سالہ یوسف کے نام سے ہوئی ہے جس کے جسم پر تشدد کے نشان ہیں۔ پویس نے لاش پوسٹمارٹم کے لئے بھجوا کر تفتیش شروع کر دی ۔

موضوعات:قتل