لاہور(مانیٹرنگ ڈیسک) ماحولیاتی تبدیلی کے وزیر سینیٹر مشاہد اللہ خان نے کہا ہے کہ سابق وزیراعظم نوازشریف کی فعال قیادت میں پوری مسلم لیگ(ن)متحد ہے اور ان کی قیادت میں ہی پارٹی آئندہ عام انتخابات میں حصہ لے گی۔ ایک انٹر ویو میں انہوں نے کہا کہ سابق وزیراعظم محمد نواز شریف نے پختہ عزم کے ساتھ کام کیا اور دہشتگردی، اقتصادی صورتحال، توانائی کے بحران
اور امن و امان کی صورتحال سمیت دوسرے مسائل پر کامیابی سے قابو پایا جن کا ملک کو 2013ء میں سامنا تھا۔انہوں نے کہا کہ تحریک انصاف کے سربراہ بدعنوانی کے خلاف نعرے بلند کر رہے ہیں لیکن انہوں نے اپنی پارٹی میں بدعنوان عناصر کے خلاف کچھ نہیں کیا۔تبدیلی کے نعرے لگانے والوں سے قوم سوال کرتی ہے کہ خیبرپختونخوا ہ میں کیا تبدیلی لائی گئی ہے ۔
