راولپنڈی (مانیٹرنگ ڈیسک)آئندہ وقت پر پیش نہ ہونے پر حنیف عباسی کی ضمانت منسوخ کر دی جائے گی، انسداد منشیات عدالت کے جج راجہ پرویز اختر کے ریمارکس ۔ تفصیلات کے مطابق راولپنڈی میں انسداد منشیات کی خصوصی عدالت نے ایفی ڈرین کیس کی سماعت کرتے ہوئے ملزمان حنیف عباسی و دیگر کے تاخیر سے آنے پر برہمی کا اظہار کرتے ہوئے کہا تھا کہ اگر آئندہ حنیف عباسی وقت پر پیش نہ ہوئے تو ضمانت منسوخ کر دی جائے گی۔ واضح رہے کہ ایفی ڈرین کیس میں ن لیگ کے رہنما حنیف عباسی
ضمانت پر ہیں ۔ نجی ٹی وی کے مطابق ایفیڈرین کیس کی سماعت کے دوران انسداد منشیات عدالت کے جج راجہ پرویز اختر نے استغاثہ کے آخری گواہ اور تفتیشی افسرامتیاز شاہ کا بیان قلمبند کیا ۔حنیف عباسی، ان کے بھائی باسط عباسی سمیت 8ملزمان عدالت میں پیش ہوئے تاہم تاخیر سے پہنچے جس پر عدالت نے برہمی کا اظہار کیا تو ملزمان کے وکلاءنے عدالت کو وقت کی پابندی کرنے کی یقین دہانی کرادی جس پر فاضل جج کاکہناتھا کہ آخر ی موقع دے رہاہوںاور کیس کی سماعت ملتوی کردی ۔
