اسلام آباد(مانیٹرنگ ڈیسک)شہر قائد میں خوف اور وحشت کی علامت بن جانے والے چھرا مار گرفتار، نجی ٹی وی کا دعویٰ۔ تفصیلات کے مطابق نجی ٹی وی چینل کی رپورٹ میں دعویٰ کیا گیا ہے کہ شہر قائد کراچی میں خوف اور وحشت کی علامت بن جانے والا چھرا مار گرفتار کر لیا گیا ہے ۔ ملزم ایک بار پھر گلستان جوہر میں خاتون کو تیز دھار آلہ سے زخمی کرنے کی کوشش کرتے ہوئے گرفتار ہوا۔ چھرا مار جب خاتون کو زخمی کرنے کیلئے
اس کے پاس پہنچا تو پاکستان نیوی کے اہلکار جو وہاں قریب ہی موجود تھے انہوں نے اس چھرا مار کو پکڑ لیا اور پولیس کو ون فائیو پر اطلاع دی۔ نیوی اہلکاروں کی جانب سے ون فائیو کال چلائے جانے کے بعد پولیس کی دوڑیں لگ گئیں اور انہوں نے جائے وقوعہ پر پہنچ گئی جہاں نیوی اہلکاروں نے ملزم پولیس کے حوالے کر دیا۔ امکان ظاہر کیا جا رہا ہے کہ یہ وہی چھرا مارشخص ہے جو متعدد خواتین کو تیز دھار آلے کے ذریعے زخمی کر چکا ہے۔
