اسلام آباد (مانیٹرنگ ڈیسک) اسمبلی اجلاس میں چوہدری نثار توجہ کا مرکز بن گئے، 30کے قریب ممبران اسمبلی نے ملاقات کیلئے جمگھٹا کی صورت میں جمع ہو گئے۔ تفصیلات کے مطابق قومی اسمبلی اجلاس میں شرکت کیلئے جب چوہدری نثار اسمبلی ہال میں پہنچے تو 30کے قریب ممبران اسمبلی ان کے اردگرد جمع ہو گئے ۔ ممبران اسمبلی کا یہ جمگھٹا تقریب نصف گھنٹہ تب تک جاری رہا جب تک سپیکر قومی اسمبلی ایوان میں

نہیں آگئے۔ ممبران اسمبلی چوہدری نثار سے ن لیگ کے پارٹی امور سے متعلق گفتگو کرتے رہے ۔ ممبران اسمبلی کی غیر معمولی دلچسپی کو پریس گیلری میں بیٹھے ہوئے صحافیوں نے خصوصی طور پر مانیٹر کیا۔ واضح رہے کہ چوہدری نثار ان دنوں اپنی ہی حکومت پر تنقید کرنے والے ناراض ترین رہنما سمجھے جاتے ہیں جنہوں نے نواز شریف کی نا اہلی کے بعد کابینہ میں شمولیت سے بھی انکار کر دیا تھا۔