لاہور(مانیٹرنگ ڈیسک)پاکستان تحریک انصاف نے پاکستان پیپلز پارٹی سے خیبر پختونخواہ کا بدلہ صوبہ سندھ میں لینے کا فیصلہ کرلیا۔ تفصیلات کے مطابق ذرائع کا کہنا ہے کہ چیئرمین پاکستان تحریک انصاف عمران خان نے ہنگامی ہدایات جاری کی ہیں جس کو مد نظر رکھتے ہوئےلیاقت جتوئی کی قیادت میں کمیٹی قائم کر دی گئی ہے۔رپورٹس کے مطابق سابق اسپیکر قومی اسمبلی ڈاکٹر فہمیدہ مرزا ، ذوالفقار مرزا سمیت اہم شخصیات کو پی
ٹی آئی میں شامل کروانے کیلئے ان سے رابطے کر لیے گئے ہیں ۔ سندھ کے سابق وزیراعلیٰ ارباب غلام رحیم کا بھی پی ٹی آئی میں شامل ہونے کا امکان ہے۔میڈیارپورٹس میں کہا گیا ہے کہ ذرائع کے مطابق ضلع گھوٹکی کی سیاست میں بھی بڑی اور تاریخی تبدیلی کا امکان ہے۔واضح رہے کہ گزشتہ دنوں پاکستان تحریک انصاف کے ناراض رہنما ضیا اللہ آفریدی نے سابق صدر زرداری سے ملاقات میں پیپلز پارٹی میں شمولیت کا اعلان کیا تھا۔
