اسلام آباد (مانیٹرنگ ڈیسک) نیب حرکت میں آگیا، شریف فیملی کے بعد کئی اور رہنماؤں کے نمبر لگ گئے۔ تفصیلات کے مطابق قومی ادارہ احتساب نے اگلے ماہ کے پہلے ہفتے میں پاکستان تحریک انصاف اور پیپلز پارٹی میں موجود کرپٹ لوگوں کیخلاف بھی کارروائیاں کیلئے پیشرفت شروع کر دی۔ نجی ٹی وی کے مطابق موجودہ چیئرمین نیب میجر (ر) قمر زمان چار اکتوبر سے ریٹائر ہو رہے ہیں
جس کے بعد قومی ادارہ احتساب اعلیٰ افسروں کے دباؤ سے نکلنے کے بعد اپنے تمام تر اختیارات کے ساتھ کام کرے گا اور کوئی قانون سے بالاتر نہیں کے اصول پر سختی سے کاربند رہے گا۔ قومی ادارہ احتساب نے ماہ اکتوبر میں وسیع پیمانے پر کارروائیوں کا عندیہ دیا ہے جس میں پاکستان پیپلز پارٹی اور پاکستان تحریک انصاف بھی شامل ہے کیخلاف بھرپور کارروائی کی جائے گی۔
