کراچی(آئی این پی ) شہر قائد میں چھ روزہ انسدا د پولیو مہم کا آغاز ہو گیا ،مہم کے دوران188یونین کونسلوں میں22 لاکھ سے زائد 5سال سے کم عمر بچوں کو پولیو سے بچائو کے قطرے پلائیں جائیں گے ۔تفصیلات کے مطابق کراچی میں چھ روزہ انسدا د پولیو مہم کا آغاز ہو گیا ہے، چھ روز مہم کے
دوران بائیس لاکھ سے زائد پانچ سال سے کم عمر بچوں کو پولیو کے قطرے پلائے جائیں گے۔مہم188 یونین کونسلوں میں چلائی جائے گی، اس دوران9000 پولیو ٹیمیں ان یونین کونسلز میں پولیو سے بچا کے قطرے پلائیں گی، ٹیم چار افراد پر مشتمل ہو گی، مہم میں ٹیموں کی سیکیورٹی کے لئے
6000 رینجرز اور پولیس اہلکار اپنے فرائض سرانجام دے رہے ہیں، انسداد پولیو مہم اکیس ستمبر تک جاری رہے گی۔دوسری جانب انتظامیہ کا کہنا ہے کہ جن لوگوں کو تحفظات ہیں وہ اسپتال جا کر بچوں کو قطرے پلوائیں۔
