اسلام آباد(مانیٹرنگ ڈیسک)وزیر اعلی پنجاب محمد شہباز شریف نے کہا ہے کہ بین الاقوامی برادری، مسلم دنیا اور اقوام متحدہ برما کے روہنگیا مسلمانوں پر جاری ظلم کی انتہا کو روکے۔ انہوں نے برمی حکومت پر بھی زور دیتے ہوئے کہا کہ برمی حکومت روہنگیا مسلمانوں
پر مظالم کو روکے۔ انہوں نے کہا کہ برما میں مسلمانوں پر ظلم حالیہ تاریخ میں اقلیتی برادری کے سب سے زیادہ بے رحمی نسل کشی کی نمائندگی کرتی ہے۔انھوں نے بیگم کلثوم نواز کی عیادت پر برطانیہ جانے سے قبل ان خیالات کا اظہار کرتے ہوئے برما بحران کو مسلمانوں کی ایک منصوبہ بندی کے تحت نسل کشی قرار دیا اورانھوں نے کہا کہ وہ حیران ہیں کہ دنیا کے ضمیر کس طرح کمزور ہوسکتے ہیں جبکہ معصوم مرد، خواتین اور خاص طور پر بچوں کا شکار جرائم کا سب سے زیادہ خوفناک پہلو برما میںہمارے سامنے آرہا ہے۔روہنگیامسلمانوں پرمظالم پرعالمی ضمیر کی خاموشی باعث تشویش ہے ،وزیر اعلی نے برمی حکومت کو مداخلت اور روہنگیا مسلمانوں کی حفاظت کے لئے فوری اقدامات کرنے کے لئے بین الاقوامی برادری کے اثر و رسوخ کو فروغ دینے کے لئے نئی سفارتی کوششوں کا مطالبہ کیا۔روہنگیا مسلمانوں کی نسل پرستی کو روکنے کے لئے کثیر الجہتی حکمت عملی اپناننی چاہئے ۔ وزیر اعلی پنجاب نے مزید کہا کہ برمی مسلمانوں کی حالت بین الاقوامی انسانی حقوق تنظیموں کے ساتھ ساتھ عالمی رہنماؤں کے لیے ایک آزمائش ہے۔انہوں نے کہاکہ دنیا کا کوئی مذہب تشددکرنے کی ترغیب نہیں دیتا یہ وقت ہے کہ انسانیت اور ہم آہنگی کے لئے پوری دنیا کومل کر کام کرنا چاہیے. انسانی حقوق مقدس ہیں اور ہمیں ان کی حفاظت کے لئے کی جانے والی کوششوں کو مربوط اور منظم بنانے کی ضرورت ہے۔
