راولپنڈی(این این آئی) عوامی مسلم لیگ کے سربراہ شیخ رشید نے عیدالاضحی پر قربانی کے لئے دو اونٹ خریدلئے۔عوامی مسلم لیگ کے سربراہ شیخ رشید جب راولپنڈی کی مویشی منڈی میں پہنچے تو نوجوانوں کی بڑی تعداد خریداری چھوڑ کر شیخ رشید کے ساتھ سیلفیاں بنانے میں مشغول ہوگئے۔

شیخ رشید نے اونٹ خریدنے کے لئے مالکان سے بھاؤ تاؤ کیا اور کہا کہ اچھے اونٹ دو اور پیسے بھی جائز لو۔ سودا طے ہونے کے بعد شیخ رشید کا کہنا تھا کہ اللہ کی راہ میں قربانی دینی ہے جس کیلئے 2 اونٹ خریدے لیکن یہ نہیں بتا سکتا کہ یہ اونٹ کس قیمت میں لئے۔