اسلام آباد (مانیٹرنگ ڈیسک) سپریم کورٹ کے پاناما کیس میں سابق وزیراعظم نواز شریف کی نااہلی کے بعد ان کے حلقہ این اے 120 میں انتخابی دنگل 17 ستمبر کو ہونے جا رہا ہے، جس میں مسلم لیگ (ن) اور تحریک انصاف کے علاوہ دیگر جماعتیں بھی حصہ لے رہی ہیں، اس سلسلے میں جماعت اسلامی نے تحریک انصاف کے امیدوار کی حمایت نہ کرنے کا فیصلہ کیا ہے، جماعت اسلامی نے این اے 120 کا ضمنی انتخاب بھرپور طریقے سے
لڑنے کا فیصلہ کیا ہے۔ اس امر کا فیصلہ جماعت اسلامی نے پیر کو مذاکرات کے لیے تحریک انصاف کو وقت پر نہ پہنچنے پر حمایت سے انکار کر دیا ہے۔ واضح رہے کہ جماعت اسلامی کا امیدوار تحریک انصاف کے امیدوار کے حق میں دستبردار کرانے کے لیے ہونے والے اجلاس میں تحریک انصاف کے وفد کے نہ پہنچنے کی وجہ سے جماعت اسلامی نے اس ضمنی انتخاب میں تحریک انصاف کی حمایت نہ کرنے کا فیصلہ کر لیا ہے۔
