اسلام آباد(مانیٹرنگ ڈیسک)ایڈیشنل سیشن جج شیخ تاثیر الرحمان نے سابق وزیر اعظم نوازشریف کے خلاف غداری کے مقدمے کےاندراج کی درخواست خارج کردی۔عدالت نے وکلاءکی حتمی بحث کے بعد فیصلہ محفوظ کیا تھا۔عدالت نے پولیس کی رپورٹ کی روشنی میں کیس کا فیصلہ سنایا۔درخواست گزار نے موقف
اختیار کیا تھاکہ نواز شریف نے عدالتی فیصلے اور عدلیہ کے خلاف تقاریر کرکے عوام کو اداروں کے اکسانے کی کوشش کی، یہ غداری کے زمرے میں آتا ہے، پولیس کو مقدمے کے اندراج کیلئے درخواست دی لیکن کوئی شنوائی نہیں ہوئی، پولیس کونوازشریف کے خلاف غداری کامقدمہ درج کرنے کا حکم دیا جائے۔
