راولپنڈی(این این آئی)رینجرز ، پولیس اور خفیہ ایجنسیوں نے لاہور فیصل آباد اور ڈی جی خان میں آپریشنز کر کے 43 مشتبہ افراد کو گرفتار ، اسلحہ اور گولہ بارود کی بھاری مقدار برآمد کر لی۔ آئی ایس پی آر کے مطابق پاکستان رینجرز پنجاب نے کاؤنٹر ٹیررازم ڈیپارٹمنٹ ،
پنجاب پولیس اور انٹیلی جنس ایجنسیوں کے ہمراہ خفیہ اطلاعات کی بنیاد پر لاہور فیصل آباد اور ڈیرہ غازی خان میں آپریشنز کئے ۔ گزشتہ تین روز کے دوران کئے گئے آپریشنز میں 43 مشتبہ افراد کو گرفتار کر لیا گیا جبکہ اسلحہ اور گولہ بارود کی باری مقدار بھی برآمد کر لی گئی ۔
