اسلام آباد (مانیٹرنگ ڈیسک) چنیوٹ مسجد حملے میں زخمی ہونے والا تبلیغی جماعت کا ایک اور رکن جاں بحق ہو گیا، اس طرح اس افسوسناک واقعہ میں دو افراد جاں بحق ہو چکے ہیں، واضح رہے کہ چنیوٹ کے موضع عاصیاں میں کراچی سے آنے والی تبلیغی جماعت پر یہاں کے ایک مقامی شخص اکرام نے حملہ کر دیا تھا، اکرام نے حملہ اس وقت کیا جب
یہ لوگ مقامی مسجد میں سو رہے تھے، اس حملے میں ولی الرحمان کی موقع پر ہی سانسیں ختم ہو گئی تھیں لیکن عبداللہ نامی شخص کو شدید زخم آئے تھے، عبداللہ کو فیصل آباد کے الائیڈ ہسپتال میں زخمی حالت میں داخل کرایا گیا، عبداللہ کی حالت بہت خراب تھی وہ تین دن زندگی اور موت کی جنگ لڑتا رہا مگر موت نے اسے آ گیا اور وہ گزشتہ روز دم توڑ گیا۔
