اسلام آباد (آن لائن) وزیر اعلٰی پنجاب شہباز شریف کے صاحبزادے حمزہ شہباز کے بعد سلمان شہباز بھی اہلخانہ کے ہمراہ لندن روانہ ہو گئے ۔ تفصیلات کے مطابق ہفتہ کے روز سابق وزیر اعظم نواز شریف کی اہلیہ بیگم کلثوم نواز کے گلے میں کینسر کی تشخیص کے بعد وزیر اعلی شہباز شریف کے بڑے صاحبزادے حمزہ شہباز کے بعد ان کے چھوٹے

صاحبزادے سلمان شہباز بھی نواز شریف کی چھوٹی بیٹی اسماء علی کے ساتھ پی آئی اے کی پرواز پی کے 757 سے لاہور بذریعہ لندن عیادت کے لئے روانہ ہو گئے ۔ خاندانی ذرائع کے مطابق یہ تمام لوگ بیگم کلثوم نواز کی بیماری کی وجہ سے لندن روانہ ہوئے ہیں اور سلمان شہباز 31 اگست کو پی آئی اے کی پرواز پی کے 758 سے صبح 6:15 پر لاہور میں واپس آ جائیں گے ۔

موضوعات:سلمان شہباز