لاہور( این این آئی )پاکستان عوامی تحریک نے سانحہ ماڈل ٹاؤن کے تناظر میں تحریک قصاص کا دوسرا مرحلہ شروع کرنے کا فیصلہ کرلیا ۔ بتایا گیا ہے کہ تحریک قصاص کے دوسرے مرحلے میں چاروں صوبوں میں جلسے اور دھرنے دینے کی منصوبہ بندی کی جارہی ہے جس میں انصاف کے حصول تک سڑکوں پر رہنے کی تجویززیر غور ہے ۔

بتایاگیاہے کہ تحریک قصاص کے لیے اتحادی جماعتوں کے ساتھ مشاورت کی جارہی ہے اوراتحادی جماعتیں اس مرحلے پر بھی ساتھ چلنے کی یقین دہانی کرا رہی ہیں۔نجی ٹی وی کے مطابق ڈاکٹر طاہر القادری دوسرے مرحلے کی قیادت کرنے کے لیے بیرون ملک سے وطن واپس آنے کا حتمی فیصلہ کرچکے ہیں اور کور کمیٹی کے مطابق ڈاکٹر طاہر القادری صرف چند گھنٹوں کے نوٹس پر وطن واپس پہنچ جائیں گے۔

موضوعات:پاکستان عوامی تحریک سانحہ ماڈل ٹاؤن