اسلام آباد(مانیٹرنگ ڈیسک)میں خاندانی شخص ہوں نواز شریف سے منہ پر اختلاف کروں گا مگر پیٹھ پیچھے سازش نہیں کر سکتا، چوہدری نثار نے خفیہ پیغام لانے والے کو غیر متوقع جواب دےکر رخصت کر دیا ، معروف صحافی و تجزیہ کار حامد میر کا نجی ٹی وی پروگرام میں انکشاف۔ تفصیلات کے مطابق نجی ٹی وی پروگرام میں گفتگو کرتے ہوئے حامد میر نے چوہدری نثار کی جانب سے نواز شریف کے خلاف بغاوت کے امکان کو مسترد کرتے ہوئے
کہا ہے کہ اس سے پہلے جنرل راحیل شریف کے دور میں چوہدری نثار کو ایک خفیہ پیغام بھی بھجوایا گیا تھا اور یہ بات مجھے اسی خفیہ پیغام پہنچانے والے نے بتائی ہے۔ حامد میر نے بتایا کہ چوہدری نثار کو پیغام بھجوایا گیا کہ آپ بغاوت کر دیں ہم آپ کو ایم این ایز کی ایک بڑی تعداد فراہم کرنے کیلئے تیار ہیں جس پر چوہدری نثار نے پیغام لانے والے کو کہا تھا کہ میں راجپوت ہوں نواز شریف کے منہ پر اختلاف کروں گا مگر پیٹھ پیچھے سازش نہیں کر سکتا۔
