اسلام آباد(آئی این پی)جھنگ سے مسلم لیگ (ن) کے رکن قومی اسمبلی نجف سیال نے تحریک انصاف کے چیئرمین عمران خان کو ’’نوری نتھ‘‘ کا خطاب دیدیا۔ جمعہ کو پارلیمانی پارٹی کے اجلاس میں پنجابی فلموں کے مشہور ہیرو سلطان راہی اور مصطفی قریشی کی فلم’’مولا جٹ ‘‘ کا بھی خصوصی تذکرہ کیا گیا۔ تفصیلات کے مطابق جمعہ کو مسلم لیگ(ن) کی پارلیمانی پارٹی کے اجلاس میں نجف سیال نے کہا کہ
عمران خان جو کچھ کر رہا ہے اور جس انداز میں سیاست کر رہا ہے وہ مولا جٹ کی فلم طرح سیاست میں سرگرم ہے اور وہ مولا جٹ کی فلم کے ولن مصطفی قریشی کا ’’نوری نتھ‘‘ کا کردار ادا کر رہے ہیں جس پر ارکان نے ڈیسک بجائے ۔ انہوں نے کہا کہ ہمیں اس نوری نتھ کو عوام میں بے نقاب کرنا چاہیے اور اس کے لئے میڈیا میں حقائق سامنے لائے جائیں۔
