اسلام آباد (این این آئی) وزیر داخلہ کے ترجمان نے کہاہے کہ چوہدری نثار علی خان ذاتی مصروفیت کی وجہ سے پارلیمانی پارٹی کے اجلاس میں شریک نہیں ہوسکے ٗ اس پہلو کو غلط رنگ نہ دیا جائے ٗ گزشتہ روز کابینہ کے اجلاس کے دور ان نہ کوئی تلخی ہوئی اور نہ ہی وزیر داخلہ نے اجلاس سے واک آؤٹ کیا ٗ وزیرداخلہ آئندہ چند روز میں موجودہ صورتحال بارے میڈیا کے ذریعے اپنے موقف سے آگاہ کرینگے ۔
جمعہ کو وزارت داخلہ کے ترجمان نے کہا کہ گذشتہ روز کابینہ اجلاس میں وزیر داخلہ چوہدری نثار علی خان کے بیان کے حوالے سے بلاجواز قیاس آرائیاں اور غیر حقیقی تبصروں سے گریز کیا جائے ۔ ترجما ن نے کہاکہ وزیر داخلہ پارلیمانی پارٹی اجلاس میں ذاتی مصروفیات کی وجہ سے شریک نہیں ہو سکے اس پہلو کو غلط رنگ نہ دیا جائے۔ ترجمان نے کہاکہ وزیر داخلہ آئندہ چند روز میں موجودہ صورتحال کے بارے میں میڈیا کے ذریعے اپنے موقف سے آگاہ کریں گے۔
