اسلام آباد(این این آئی)بے نظیر انٹرنیشنل ایئرپورٹ پر منی چینجر کا نوٹوں سے بھرا بیگ مبینہ طور پر چوری ہوگیا۔ جمعرات کو کراچی سے اسلام آباد پہنچنے والے محمد اسلم نامی منی چینجر فون پر بات کررہا تھا کہ اچانک اس کا تین کروڑ روپے سے بھرا بیگ لاؤنج سے غائب ہوگیا ٗ
واقعہ پر ایئرپورٹ و سیکیورٹی حکام میں کھلبلی مچ گئی اور سی سی ٹی وی کیمروں کی مدد سے واردات میں ملوث ملزم کا سراغ لگانے کی کوششیں شروع کردی گئی ہیں۔محمد اسلم کا کہنا ہے کہ کراچی سے 9 کروڑ روپے لے کر بینظیر ایئرپورٹ پہنچا، یہ رقم3،3 کروڑ روپے کے 3 پیکٹس میں تھی، ڈومیسٹک لاؤنج میں فون پر بات کر رہا تھا، کسی نے رقم سے بھرا ایک پیکٹ چوری کرلیا۔
