اسلام آباد (آن لائن)جے آئی ٹی میں وزیراعلیٰ پنجاب شہباز شریف نے بھی وزیراعظم نواز شریف اور ان کے بیٹوں کے خلاف بیان دیئے ہیں ۔ رپورٹ کے پیراگراف 5اور6میں کیا گیا ہے کہ گلف سٹیل ملز کے 1978سے1980تک معاملات شہباز شریف نے چلائے تھے۔ جے آئی ٹی میں طارق شفیع نے بیان دیا کہ شہباز شریف والد کی ہدایت پر معاملات چلاتے تھے جس کو بعد میں فروخت کر کے جدہ میں فیکٹری خریدی گئی تھی۔

طارق شفیع اور دیگر نے کہا کہ دبئی کی فیکٹری کی فروخت کے معاملات بھی شہباز شریف نے طے کئے تھے جب جے آئی ٹی نے شہباز شریف سے پوچھا تو انہوں نے دو ٹوک الفاظ میں کہا کہ ان کا تعلق دبئی کی گلف فیکٹری سے کبھی نہیں رہا۔ نہ انہوں نے 1980ء میں اس فیکٹری کے معاملات دیکھے تھے اور نہ کوئی فروخت میں کوئی کردار ادا کیا ہے۔ جے آئی ٹی نے شہباز شریف کے بیانات کی روشنی میں گلف سٹیل مل بارے نواز شریف کے موقف پر اعتراض کیاہے۔

موضوعات:دبئی کی فیکٹری شہباز شریف گلف سٹیل مل