راولپنڈی(آئی این پی )راولپنڈی میں نامعلوم افراد کی فائرنگ سے مسلم لیگ ن کے یوسی چیئرمین کی اہلیہ اور بیٹی جاں بحق ، مرزا عنایت اللہ شد ید زخمی۔تفصیلات کے مطابق راول پنڈی کی تحصیل گوجرخان کے علاقہ جاتلی میں نا معلوم افراد نے رات گئے مسلم لیگ ن کے چیئر مین یو نین کو نسل کے گھر پر فا ئرنگ کی ۔ فائرنگ کے نتیجے میں مرزا عنایت اللہ کی اہلیہ اور بیٹی جاں بحق
جبکہ مرزا عنایت اللہ شد ید زخمی ہو گئے ۔ واقعے کی اطلاع ملتے ہی جاتلی پو لیس موقع پر پہنچی اور فائرنگ سے جاں بحق افراد کی لاشوں اور زخمی چیئر مین یو نین کو نسل کو ہسپتال منتقل کیا، پولیس کا کہنا ہے کہ واقعہ رات دو بجے پیش آیا ہے، فوری طور پر واقعے کی وجوہات سامنے نہیں آسکی ہے، تحقیقات کا آغاز کردیا گیا ہے ۔
