اسلام آباد(مانیٹرنگ ڈیسک) کبھی کرپشن کی نہ ہی بدعنوانی کی حوصلہ افزائی کی، پورایقین ہے میں نے یامیرے اہلخانہ نے بدعنوانی نہیں کی۔ان خیالات کا اظہار وزیراعظم نوازشریف نے ایک اعلیٰ سطحی مشاورتی اجلاس کے دوران کہی۔نجی ٹی وی جیو نیوز کے مطابق پانامہ کیس اور جے آئی ٹی رپورٹ کے تناظر میں وزیراعظم نوازشریف کی زیرصدارت پارٹی کا اعلیٰ سطحی مشاورتی اجلاس ہوا، جس میں سپریم کورٹ میں
پاناما کیس کی آج کی کارروائی اور آئندہ سماعت سے متعلق مشاورت کی گئی۔ اجلاس میں وفاقی وزراء اور قانونی ماہرین نے مشاورت کی۔ اجلا س میں سپریم کورٹ میں پیش کی جانیوالی جے آئی ٹی کی رپورٹ اور آئندہ سماعت سے متعلق تبادلہ خیال کیاگیا۔ اس موقع پروزیراعظم نوازشریف نے کہاکہ کبھی کرپشن کی نہ ہی بدعنوانی کی حوصلہ افزائی کی ہے۔ پورایقین ہے میں نے یامیرے اہلخانہ نے بدعنوانی نہیں کی۔اجلا س کے دوران آئندہ کے لائحہ عمل پر بھی مشاورت کی گئی۔
