سیالکوٹ(آئی این پی)مسافرگاڑی میں غیر معیاری اور ناقص سلنڈر لگانے والے5افراد کو گاڑیوں سمیت گرفتار کرلیا گیا۔ تفصیلات کیمطابق تھانہ مراد پور کے علاقہ سبلائم چوک سے پولیس نے مسافر گاڑی میں غیر معیاری اور ناقص سلنڈر لگانے والے شخص وسیم، مدینہ چوک سے مسافر گاڑ ی میں ناقص سلنڈر لگانے والے ڈرائیور اقبال، تھانہ سٹی کے

علاقہ پسرور بائی پاس سے تیز رفتاری اور غیر محتاط انداز میں مسافرگاڑی چلانے اور اس میں ناقص سلنڈر لگانے والے شخص الیاس، تھانہ سٹی پسرور کے علاقہ سے مسافر گاڑی میں ناقص سلنڈر لگانے والے شخص عارف اور کچہری چوک سے بشارت کو گرفتار کرکے انکی گاڑیاں قبضہ میں لی اور مقدمات درج کرکے تفتیش شروع کردی۔