اسلام آباد(مانیٹرنگ ڈیسک) ایک اور آئل ٹینکر الٹ گیا،ہزاروں لیٹر تیل سڑک پر بہنا شروع۔نجی ٹی وی کے مطابق ضلع وہاڑ ی میں آئل ٹینکر الٹ گیا جس کے باعث ہزاروں لیٹر تیل سڑک پر بہنا شروع ہوگیا ہےجسے دیکھ کر لوگ اپنے گھروں سے ڈرم لے آئے ہیں اور تیل بھرنا شروع کردیا ہےذرائع کے مطابق کئی گھنٹے سے ٹینکر الٹا ہوا ہے
لیکن تاحال کوئی متعلقہ ادارہ موقع پر نہیں پہنچا ہے۔اطلاعات کے مطابق سڑک نا ہموار ہونے کی وجہ سے ٹینکر الٹا ہے تاہم ابھی ڈرائیور کے حوالے سے کوئی معلومات حاصل نہیں ہوئیں ۔واضح رہے کہ پچھلے 2ہفتوں کے دوران آئل ٹینکر الٹنے کے کئی واقعات رونما ہوچکے ہیں ۔سانحہ احمد پور شرقیہ میں ہلاکتوں کی تعداد218تک پہنچ چکی ہے۔
