اسلام آباد (مانیٹرنگ ڈیسک)وفاقی دارالحکومت میں رہائش پذیر بھارتی سفیر کے گھر میں خوفناک آتشزدگی،قریبی درخت بھی لپیٹ میں آگئے، فائر بریگیڈنے آگ پر قابو لیا۔ تفصیلات کے مطابق اسلام آباد میں تعینات بھارتی سفارتکار کے گھر میں خوفناک آگ بھڑک اٹھی جس نے گھر کے قریب لگے درختوں کو بھی اپنی لپیٹ میں لے لیا۔ پولیس کے مطابق سیکٹر ایف 6ٹو میں بھارتی سفارتکار کے گھر میں آگ پہلے صحن میں
رکھے بجلی جنریٹر میں لگی جو قریب ہی نصب گیس کے میٹر تک پہنچ گئی جس کے باعث آگ نے شدت اختیار کر لی اور قریبی درختوں کو بھی اپنی لپیٹ میں لے لیا جس کے باعث گھر کے باہر نصب سی سی ٹی وی کیمرے اور گیس کا میٹر جل گیا۔ اطلاع ملتے ہی فائر بریگیڈ اور ریسکیو ٹیموں نے موقع پر پہنچ کر آگ پر قابو پا لیا ۔ آگ کے باعث کسی شخص کے زخمی یا ہلاک ہونے کی اطلاعات موصول نہیں ہوئیں۔
